9 aylıq qızın meyiti nənəsinin qəbrindən tapıldı

(“Vətəninfo.az”). Bir neçə həftə ərzində itkin düşmüş kimi axtarılan 9 aylıq balaca qızcığazın meyiti nənəsinin qəbrində aşkar edilib.
Bryansk şəhərində yaşayan valideynlər polisə müraciət edərək qızlarının itkin düşdüyünü bildiriblər. Ananın sözlərinə görə, qızı uşaq arabası ilə birlikdə mağazanın qarşısından qaçırılıb.
Araşdırma zamanı məlum olub ki, körpə atalığı tərəfindən öldürülüb, sonra isə yandırılaraq izi itirmək məqsədilə nənəsinin qəbrində gizlədilib. Meyit ekspertizaya təqdim edilib və onun balaca Anyaya məxsus olduğu təsdiqini tapıb.
Dindirilmə zamanı körpənin anası boynuna alıb ki, qızının qaçırılması haqda məlumatı izi itirmək məqsədilə verib.

Ayan