ABDULLAH GÜL ƏRDOĞANA QARŞI ÇIXDI: "Yazıq, bir arpa boyu yol almamışıq..."

"Yazıq, bir arpa boyu yol almamışıq".

Mia.azxəbər verir ki, bunu Türkiyənin sabiq prezidenti Abdullah Gül YSK-nın ( MSK) 31 martda İstanbulda keçirilmiş bələdiyyə seçkilərinin nəticələrini ləğv etməsinə münasibət bildirərkən deyib.

Abdullah Gül YSK-nın qərarına "Twitter"dəki hesabında belə reaksiya verib:

"Konstitusiya Məhkəməsi 2007-ci ildə verdiyi haqsız "367 qararı" qarşısında nələr hiss etdimsə, başqa bir məhkəmə olan YSK-nın verdiyi qərarı duyunca da, eyni duyğunları yaşadım. Yazıq, bir arpa boyu yol almamışıq".

Xatırladaq ki, YSK məlum qərarı məhz prezident Ərdoğanın sədri olduğu partiyanın - AKP-nin ard-arda verdiyi etirazlar əsasında qəbul edib.

Bundan başqa, qərara qədər Ərdoğan dəfələrlə İstanbuldakı seçki ilə razılaşmadığını, ləğvini gündəmə gətirmişdi.

Miq.az