“ABŞ Azərbaycan ordusuna əxlaq dərsi keçə biləcək bəlkə də ən axırıncı dövlətdir”

“ABŞ Azərbaycan ordusuna əxlaq dərsi keçə biləcək bəlkə də ən axırıncı dövlətdir. 10 min km uzaqlıqdan gəlib, İraq dövlətini işğal edən, 1 milyondan çox günahsız vətəndaşını qətl edən, öldürdükdən sonra da öz pislikləri ilə cəsədləri təhqir edən Azərbaycan ordusu deyil, məhz bu gün bizə əxlaq dərsi keçən ABŞ-dır”. 

Bunu Veteninfo.az-a Azərbaycan Milli Strateji Təhqiqatlar Mərkəzinin sədri, politoloq Natiq Miri eyib: “ABŞ zabitinin himayəsində olan onlarla əsgəri güllələdiyi fakt uzun zamanların tarixi deyil və dünya ictimaiyyətinin yadından çıxmayıb. Bu əxlaq aşınması, cəmiyyətin psixoloji tarazlığının pozulması artıq ordu sıralarından məktəblərə keçib. Artıq həddi buluğa çatmayan şagirdlər belə çox asanlıqla gözlərini qırpmadan öz müəllim və şagird yoldaşlarını güllələyə bilirlər və bu, artıq ABŞ üçün baş ağrısına çevrilib. Başqa tərəfdən, bizim medianın ABŞ zabitinin açıqlamasını bəh-bəhlə verməsini də uyğun görmürəm. Ordu bütün əyər əskikləri ilə bizim ordumuzdur və biz onun mənafeyini xalq olaraq qorumalıyıq. Hansısa korporativ maraqlar naminə ordumuzu yadellilərin və bu millətə düşmən olanların ayağına verməməliliyik. Bu, qətiyyən doğru deyil. Bircə o fikirlə razıyam ki, vəfat edən əsgərin xidmət etdiyi hərbi hissənin bütün rəhbərliyi cinayət məsuliyyətinə cəlb olunmalıdır. Çünki, məhz cəzasızlıq yeni cinayətlərə yol açır”.

Kənan