ABU-nun dekanı həbs olundu

Bu gün Bakı Ağır Cinayətlər Məhkəməsində fəaliyyətini dayandırmış Azərbaycan Beynəlxalq Universitetinin Tibb Fakültəsinin dekanı olmuş Xudayar Həsənovun cinayət işi üzrə məhkəmə prosesi başa çatıb.

Vətəninfo.az xəbər verir ki, prosesdə hökm oxunub. Hökmə əsasən, X.Həsənov məhkəmə zalında həbs olunaraq 4 il müddətinə azadlıqdan məhrum edilib.

 

X.Həsənov Cinayət Məcəlləsinin 308.2 (vəzifə səlahiyyətlərindən sui-istifadə ağır nəticələrə səbəb olma ), 311-ci (rüşvət alma ) maddələrinə əsasən ittiham edilib.


Qeyd edək ki, ibtidai istintaq və məhkəmə dövründə onun barəsində həbs-qətimkan tədbiri seçilməyib.