AGBank İnternet Bank xidmətini istifadəyə verib

Vətəninfo.az  xəbər verir ki, artıq bankın bütün filiallarından sadə bir müraciət forması doldurmaqla, banka aid olan əməliyyatları vaxt itirmədən, internetin olduğu hər yerdən və istənilən vaxt həyata keçirmək mümkündür. İnternet Bank xidməti AGBank-ın bütün yeni və mövcud müştəriləri üçün nəzərdə tutulub. İnternet Bank xidməti vasitəsilə hüqüqi və fiziki şəxslər tərəfindən dünyanın istənilən yerindən hesabların «online» idarə edilməsinə imkan yaradılır. İnternet Bank sisteminin funksiyaları: Multi-İstifadəçi iş rejimi; Əməliyyat növləri və hesablarla bağlı fəaliyyət göstərən istifadəçilərin hüquqlarının müəyyənləşdirilməsi; Müştərinin mühasibatlıq proqramı və İnternet Bank sistemi arasında məlumatların eksportu və importu. İnternet Bank sistemi vasitəsi ilə aparılan əməliyyatlar: Əlavə bank hesabatları; Milli və xarici valyutada ödənişlər; Ödəniş kartların sifarişi; Konvertasiya əməliyyatları və s. Ən əsası da odur ki, AGBank İnternet Bank xidmətində hesabların təhlükəsizliyini təmin etmək üçün müştərilərə “Vasco Token” kimi əlavə təhlükəsizlik cihazlarnı təklif edilir. Bunlar istifadəçilərin bank hesablarının təhlükəsizliyni tam təyin edir. Xidmət haqqında ətraflı məlumatı bankın 24 saat fəaliyyət göstərən 135 Telefon Mərkəzindən və ya agbank.az internet səhifəsindən əldə edə bilərlər

Vətəninfo.az