Miq.Az Teleqraf.com-a istinadən xəbər verir ki, bu barədə Ukrayna Silahlı Qüvvələrinin Baş Qərargahının əməliyyat məlumatında deyilir.

Bildirilir ki, Siverski istiqamətində düşmən Çerniqov vilayətinin Mıxalçina Sloboda qəsəbəsini raket artilleriyasından və minaatanlardan atəşə tutub.

Xarkov istiqamətində isə işğalçılar müdafiə əməliyyatlarını davam etdirirlər. Düşmən Xarkov, Mikilske, Lebyaje, Udı, Dementivka, Verxniy və Starıy Saltiv, Petrivka, Ruski Tışki və Bayrak qəsəbələri ərazilərini artilleriyadan, raket zərbələri sistemlərindən və tanklardan atəşə tutub. Petrivka yaxınlığına hava hücumu edib.

Ukrayna əsgərləri düşmənin Dementivka istiqamətində hücum cəhdini qətiyyətlə dəf ediblər. Slavyan istiqamətində düşmən Volobuyevka, Xrestişe, Husarivka, Çepil, Mazanivka, Dolyna, Çervone, Dibrivne, Boqorodiçne və Adamivka qəsəbələri ərazilərini müxtəlif çaplı artilleriyadan atəşə tutub.

Boqorodiçnı rayonunda müdafiəçilərimiz düşmənin növbəti hücum cəhdinin qarşısını alıb və ruslar itki verərək geri çəkilib.

Kramatorsk istiqamətində isə işğalçılar Siversk, Hryhorivka, Biloqorivka, Zolotarivka, Serebryanka, Verxnokamyanski, Zvanivka, Rozdolivka rayonlarını lüləli və reaktiv artilleriyadan atəşə tutublar. Düşmən qismən müvəffəqiyyətlə Verxnokamyanski istiqamətində hücuma keçib.

Baxmut istiqamətində düşmən Baxmut, Spirne, İvano-Daryivka, Berestov, Pokrovske, Verşina, Volodimirivka, Opıtne, Toretsk, Zaytseve, Kodema, Klinove və Nyu-York yaşayış məntəqələrini minaatan və raket artilleriyasından atəşə tutub. Verşin və Vuqlehirska İES yaxınlığında hava zərbələri endirib.

İşğalçılar Veselaya Dolyna istiqamətində və Spirne qəsəbəsi ərazisində irəliləyir, hərbi əməliyyatlar davam edir.

Avdiyiv, Novopavliv və Zaporojya istiqamətlərində təmas xətti boyunca minaatan, tank, lülə və raket artilleriyasından atışma davam edir. Düşmən Vasilivka, Avdiivka, Novoselivka, Veseli və Novomıxaylovka yaxınlığında hava hücumlarına başlayıb.

Cənubi Bux istiqamətində düşmən səylərini Ukrayna Müdafiə Qüvvələrinin hücumunun qarşısını almağa cəmləşdirir. Qoşunlarımızın hərəkətlərini məhdudlaşdırmaq üçün təmas xətti boyunca raket artilleriyasından sistematik atəşə tutulur.

Ukrayna aviasiyası və raket artilleriya bölmələri rus işğalçılarının canlı qüvvəsi, hərbi texnikası və silah-sursat anbarlarına atəş zərbələri endirməkdə davam edir.