Almaniyanın Azərbaycandakı səfirliyi münasibət bildirdi!

Ötən gün iqtidar mətbuatında Almaniya hökuməti, parlamenti (Bundestaqı) və dövləti, ölkənin tanınmış qeyri-hökumət təşkilatları əleyhinə yazı dərc olunmuşdu. “Yeni Azərbaycan” qəzetinin 18 aprel tarixli sayında “Almaniyanın anti-Azərbaycan kampaniyasında rəsmi izlər” başlıqlı böyük məqalədə Almaniyanın dövlət səviyyəsində Azərbaycana qarşı “çirkin kampaniya” apardığı iddia edilir. Sitat: “Rəsmi şəxslər, dövlət strukturları, media, QHT-lər, bir sözlə, bütün instansiyalar Azərbaycanı fəaliyyətlərinin əsas hədəfi seçiblər”. Bu gün Almaniyanın Azərbaycandakı səfirliyi sözügedən yazıya münasibət bildirib. Səfirliyin mətbuat xidmətinin rəhbəri Aytəkin Məhərrəmova “Vətəninfo.az”-a bildirib ki, bu məqalə ilə artıq səfir tanış olub:

“Cənab səfir məqaləni oxyub. Lakin biz hələ gözləmə mövqeyindəyik. Bu məsləyə münasibət bildiməklə iki ölkə arasındakı münasibətləri korlamaq istəyənlərə əlavə füsət vermək istəmirik. Bu gün Almaniya və Azərbaycan arasında bütün sahələrdə gözəl münasibətlər var”.

Oral MƏDƏNÇİ