“Araz Naxçıvan“ “Şəmkiri” Naxçıvanda –ŞƏMŞİRLƏDİ

Vətəninfo.az xəbər verir ki, Naxçıvan təmsilçisi “Araz Naxçıvan” bu gün I divizionun ikinci turu çərçivəsində İbrahimxəlil Axundlu adına Naxçıvan Muxtar Respublika stadionunda Şəmkirin eyniadlı komandasını qəbul edib. Saat 16:00-da Ramil Diniyevin start fiti ilə başlanan matç hər iki komandanın qarşılıqlı hücumları ilə başlayıb. 18-ci dəqiqədə “Araz naxçıvanın” yarımmüdafiəçisi Əlimirzə Daşzərini hesabı açmağa müvəffəq olub, 1:0. İlk hissədə Əlimirzənin qoluna şəmkirlilər tərəfindən cavab verilmədiyindən “Araz Naxçıvan” fasiləyə üstün durumda yollanıb. İkinci hissə başlayan kimi hücuma atılan naxçıvanlılar 59-ci dəqiqədə Bəxtiyar Soltanovun qolu sayəsində hesabı 2:0-a çatdırılıb. 71-ci dəqiqədə Bəxtiyar dublunu rəsmiləşdirib, 3:0. Matçın son dəqiqəsində “Şəmkir” naxçıvanlıların müdafiəsini yaran Nurlan İbrahimov hesab arasındakı fərqi ikiyə endirib. İki oyundan maksimum nəticə əldə edən “Araz Naxçıvan” turnir cədvəlində xal ehtiyatını 6-a çatdırıb və liderlər sırasında öz mövqeyini möhkəmlədib.
Qeyd edək ki, Naxçıvanda “Şəmkiri” Şəmşirləyən “Araz Naxçıvan” I divizionun üçüncü turunda növbəti rəqibi “Mil – Muğan” komandasına qarşı səfərdə oynayacaq.

Vətəninfo.az