Ata ögey oğlunu qətlə yetirdi

Vətəninfo.az  xəbər verir ki, Bakının Xəzər rayonunda qətl hadisəsi baş verib. Xəzər Rayon Polis İdarəsindən APA-ya verilən məlumata görə, Buzovna sakini, 1969-cu il təvəllüdlü Ağaməmməd Hüseynov ögey oğlu, 1981-ci il təvəllüdlü Samir Həsənovu  bıçaqlayaraq qətlə yetirib. S. Həsənov xəstəxanaya aparılarkən yolda dünyasını dəyişib. İlkin araşdırmalara görə, hadisə ailə münaqişəsi zəminində baş verib. Faktla bağlı Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb, araşdırma aparılır.

Vətəninfo.az