Avtomobil yolun kənarında dayanan maşına çırpıldı

Vətəninfo.az  xəbər verir ki, Bakıda ölümlə nəticələnən yol qəzası baş verib. Bakı şəhər Baş Polis İdarəsindən APA-ya verilən məlumata görə, hadisə Xətai rayonu Gəncə prospektində qeydə alınıb. Bakı şəhər sakini, 1981-ci il təvəllüdlü Rəşad Ağaverdiyev idarə etdiyi «BMW» markalı avtomobili yolun kənarında dayanmış, 1968-ci il təvəllüdlü Ehtiram Bəylərova məxsus «QAZ-53» markalı avtomobilə çırpıb. Nəticədə, R.Ağaverdiyev xəstəxanaya yerləşdirilib, sərnişini, Balakən rayon sakini, 1975-ci il təvəllüdlü Məzahir Həsənov isə aldığı xəsarətdən hadisə yerində dünyasını dəyişib. Faktla bağlı araşdırma aparılır.

Vətəninfo.az