Aydın Abbasov özünün və ailə üzvlərinin hansı oyunları izləyəcəyini açıqladı

I Avropa Oyunları zamanı birmənalı olaraq güləş və cüdo yarışlarını izləyəcəyəm. O cümlədən digər döyüş növlərində keçiriləcək yarışlara da getmək fikrim var”.

 Vətəninfo.az xəbər verir ki, bu sözləri AzNews.az-a Azərbaycan Güləş Federasiyasının vitse-prezidenti, millət vəkili Aydın Abbasov deyib.

Onun sözlərinə görə, hər bir azərbaycanlı onun ölkəsində keçiriləcək belə mötəbər tədbirlərdə mütləq iştirak etməlidir.

Millət vəkili ailə üzvlərinin isə gimnastika yarışlarına baxacağını vurğulayıb: “Artıq bütün oyunlara biletlər alınıb”.

Qeyd edək ki, I Avropa Oyunları çərçivəsində güləş yarışları 13-18 iyun 2015-ci il tarixdə Heydər Əliyev adına İdman Sarayında keçiriləcək. “Bakı-2015”in proqramına hər 3 güləş növü üzrə yarışlar daxil edilib və ümumilikdə 24 çəki dərəcəsində qaliblər müəyyənləşəcək. Yarışların ilk iki günündə yunan-Roma güləşçiləri mübarizə aparacaq. İyunun 15-16-da qadın güləşçilər, 17-18 iyunda isə sərbəst güləşçilər yarışacaq.