Azərbaycan Ermənistandan varlı ölkədir

"Mən hesab edirəm ki, əlbəttə müharibə yoxdursa, sülh yoxdursa hazırkı status-kvo həmişə olmayacaq".  “Vətəninfo.az”ın məlumatına görə, bunu Avronest Parlament Assambleyasının Bakıda keçirilən 2-ci sessiyasında iştirak edən erməni nümayəndə heyətinin rəhbəri, Daşnaksütun partiyasının fraksiya rəhbəri Vaan Ovanesyan azərbaycanlı jurnalistlərə açıqlamasında bildirib.

"Əlbəttə belə sülh müharibədən qat-qat yaxşıdır. Biz Qarabağla bağlı 

keçirilən hər bir danışıqdan sonra eşidirik ki, Azərbaycan hərbi 

büdcəsini artırır. Bu bir həqiqətdir"- Vaan Ovanesyan bildirib.

Onun sözlərinə görə bu da onu deməyə əsas verir ki, Azərbaycan bu 

məsələni müharibə yolu ilə həll etməkdə israrlıdır: "Amma mən düşünürəm ki, bu məsələdə Azərbaycan düşünməlidir. Əlbəttə Azərbaycan həmişə Ermənistandan varlı olub və varlı olaraq qalacaq. Amma Ermənistan da həmişə kasıb qalmayacaq. Ona görə də daha yaxşı olardı ki, kompromiss variant tapılsın. Təəssüflər olsun ki, Azərbaycan güzəştlərə getmək fikrində deyil".