“Azərbaycan müharibəyə hazırlaşır...”

Ermənistan Silahlı Qüvvələrinin Baş Qərargah rəisinin müavini, general-leytenant Haykaz Bəhmənyan təmas xəttindəki vəziyyət barədə danışıb.

Virtualaz.org saytı erməni KİV-lərinə istinadən xəbər verir ki, general Haykaz hazırda təmas xəttində sakitlik olduğunu, qeyri-adi heç  nə baş vermədiyini, atışmaların azaldığını bildirib.

Müharibənin bərpa olunması ehtimalı barədə danışan H.Bəhmənyan deyib ki, bu ehtimal həmişə mövcuddur: “Heç kim demir ki, müharibə olmayacaq. Və əvvəl-axır Azərbaycan bu müharibəyə hazırlaşır. Bizim qoşunlarımız düşmən tərəfin istənilən həmləsinə hazır olmalıdır”.

Erməni generalın sözlərinə görə, müharibə təhlükəsi nə dünən, nə bu gün azalmayıb. Və sabah da azalmayacaq.