"Münhen Təhlükəsizlik" konfransında Azərbaycan və Ermənistan XİN rəhbərləri Elmar Məmmədyarov və Eduard Nalbadyan növbəti dəfə  görüşərək, danışıqlar aparıb. Bu  görüş ATƏT-in "Minsk qrupunun" həmsədrləri tərəfindən təşkil edilib və həmsədrlərdə bu görüşdə iştirak edibdir. Qeyd edim ki, XİN səviyyəsində "Münhen görüşü"  irəlləyişə doğru addım kimi qeyd edilməməlidir. Çünki, dəfələrlə bu formatda olan görüşlərdən sonra, Ermənistan cəbhədə atəşkəsi mütəmadi pozaraq, diversiya həmlələrinə cəhd edib. Sadəcə olaraq, "Minsk qrupu" bu il  başlayandan bəri, belə bir görüşü  təşkil etməklə, özünün "fəaliyyətdə" olduğunu göstərir. Bu görüş barədə həmsədrlərin bəyanatına gəldikdə isə, ənənəvi olaraq, şablon sözlərdən  istifadə edilib. Burada atəşkəsin qorunub saxlanmasına çağrılır."

 

 

 

"Vyana və  Santk-Peterburq görüşlərində əldə olunan razılaşmaya çağrı qeyd edilir.  Xüsusilə "Misk qrupu" çalışır ki, cəbhədə atəşkəsin aşkar edilməsi mexanizmləri işə düşsün və bununla nisbi sakitliyə əməl edilsin. Məhz, həmsədr institutunun üzvüləri birmənalı olaraq, Aprel döyüşlərindən sonra Ermənistanın maraqlarına cavab verən addımlar atıblar. Bəyanatda münaqişənin tənzimlənməsi istiqamətində danışıqların aparılması qeyd edilir. Amma irəliləyişə nail olmaq üçün ilkin olaraq Ermənistanın işğal olunmuş ərazilərin qaytarılması barədə bir kəlmə də qeyd edilmir, yenə də status-kvonun saxlanması üçün "diplomatik" gedişlər edilir.  Bəyanatda Ermənistanın bir növ  dəstəyi ilə Dağlıq Qarabağda separtaçıların keçirəcəyi "referenduma" toxunulsa da, Ermənistanın bu siyasətinə ayrıca vurğu yapılmır. Münaqişəni çətinləşdirdiyi üçün,  belə bir mənasız "referendumun"  qarşısının alınması barədə bir söz deyilmir. Çünki, "Minsk qrupunun" üzvüləri bir müddət bundan əvvəl Ermənistanın leyhinə bəyanatlar səsləndiriblər. Bu  bəyanat və görüşlər Ermənistanda keçiriləcək parlament seçkiləri qabağı daxili sabitliyə  hesablandığı üçün, danışıqlar görüntüsü yaratmaqla, Azərbaycanın Ermənistana cəbhədə mümkün hərbi təzyiqlərindən yayınmağa hesablanıb.  Hazırda bu qrumun fəaliyyəti qənaətbəxş deyil."-deyə politoloq Miq.Az-a açıqlamasında bildirdi.

"Rusiya da çalışır ki, Moskvada XİN rəhbərlərinin görüşünü təşkil etsin.Tərəflərə əlavə həll variantlarını təqdim etməyə çalışır. Qeyd edim ki, XİN rəhbərləri tərəfindən aparılan və aparılacaq danışıqlar prosesi münaqişənin həllində irəliləyişə töhfə verməyəcək. Rəsmi Kreml çalışır ki, Ermənistanda seçki qabağı cəbhədə sabit vəziyyət yaransın və parlament seçkiləri normal keçsin. Çünki, yeni hərbi əməliyyatlar fonunda işğalçıların məğlubiyyəti danılmazdı və bu da Sarkisyan iqtidarının devrilməsi ilə nəticələ bilər. Daxili sabitlik pozulması fonunda Qərb Ermənistanda təşəbbüsü ələ ala bilər. Rusiya çalışacaq ki, iki ay müddətində cəbhədə nisbi sakitliyə riayət olunsun. 

Hesab edirəm ki, rəsmi Kreml artıq, münaqişənin həllində maraqlı deyil.  Ötən ilin yay aylarında Rusiya tam münaqişəni həll etməyə yaxın idi. Ümidlər də var idi. Həmin təşəbbü əldən verən Rusiyaya artıq inam yoxdur.  Azərbaycan yalnız güc yolu ilə real nəticələrə sahib ola bilər."