Azərbaycanda qız atasını reklam lövhəsində təbrik etdi

Həmin lövhədə “Madaqaskar” animasiyasının qəhrəmanları üzərində ailə üzvlərinin adı yazılıb

Azərbaycanda qız atasını təbrik etmək üçün qeyri-adi bir addım atıb. “Qafqazinfo”nun məlumatına görə, “Facebook” sosial şəbəkəsində yayılan foto müzakirələrə səbəb olub. Fotonun sahibi Bakı sakini Leyla Haşımova avqustun 2-də 39 yaşı tamam olan atasını qeyri-adi yolla təbrik edib. Belə ki, reklam agentliyi ilə aparılan danışıqlardan sonra Bakının Nobel prospektində maraqlı reklam löhvəsi asılıb. Reklam löhvəsində “Madaqaskar” animasiyasının qəhrəmanları əks olunub və hər bir şəklin üzərində ailə üzvlərinin adı qeyd olunub.

Qeyd edək ki, qızın atasına ünvanladığı orijinal təbrikinin qiyməti dəqiq qeyd olunmasa da, hər halda yüksək məbləğə başa gəldiyi təxmin olunur.

Qafqazinfo