Azərbaycanda yüksək vəzifəli dövlət məmuru vəfat edib

İqtisad (Arbitraj) Məhkəməsinin Rəyasət Heyətinin sədri, əməkdar hüquqşünas Flora Əhmədova dünyasını dəyişib.

APA-nın məlumatına görə, F. Əhmədova bu gün saat 05.00 radələrində ürək tutmasından vəfat edib. Mərhumə bu gün günorta saatlarında Bakının Yasamal rayon qəbiristanlığında torpağa tapşırılıb.

Qeyd edək ki, Flora Əhmədova 1934-cü il dekabrın 9-da İrəvan şəhərində doğulub. O, uzun illər postsovet məkanında məhkəmə-hüquq sahəsində çalışıb, Azərbaycan müstəqillik qazandıqdan sonra Ədliyyə Nazirliyində və Respublika Məhkəmə-Tibbi Ekspertiza Mərkəzində mühüm postlarda işləyib. Ölkədə məhkəmə islahatları aparılan dövrə – 2000-ci ilə qədər Azərbaycan İqtisad Məhkəməsinin Rəyasət Heyətinin sədri olub.