Azərbaycandan ilk zəvvar qrupları həccə yola düşüb

Bu gün Azərbaycandan ilk zəvvar qrupları həccə yola düşüb. İlk təyyarə reysi bu gün səhər Heydər Əliyev Beynəlxalq Hava Limanından Səudiyyə Ərəbistanına istiqamət götürüb.
Vətəninfo.az Kəpəz TV-yə istinadla xəbər verir ki, ilkin olaraq 4 qrupu daşıyan bir təyyarə havaya qalxıb. Gün ərzində daha 3 reysin uçması planlaşdırılır. Həccə uçuşlar sentyabrın 15-dək davam edəcək. Bu il Azərbaycana 2400 zəvvar yeri ayrılıb və yerlər dolub. Gəncəbasar bölgəsindən həcc ziyarətinə 40-a yaxın zəvvar yollanacaq. Onlardan 15-ə yaxını Gəncə sakinidir.
Qeyd edək ki, ötən illə müqayisədə Gəncədən həcc ziyarətinə yola düşənlərin sayında azalma müşahidə olunur. Belə ki, ötən il zəvvarların sayı 30-a yaxın olub.