O bildirib ki, Ermənistanda Nikol Paşinyanı yıxmaq üçün vəziyyəti gərginləşdirənlər var. Həmin qüvvələr Azərbaycanla Ermənistanı yeni müharibəyə təhrik etmək və erməni tərəfinin növbəti məğlubiyyəti sayəsində Paşinyanı devirmək istəyirlər:

"Xaricdəki Azərbaycan əleyhinə qüvvələr tərəflər arasında sülh müqaviləsinin imzalanmasının qarşısını almaq istəyirlər. Onlar erməni avantürizmini qoruyub saxlamaqla Cənubi Qafqazdakı maraqlarını gerçəkləşdirməyə çalışırlar. Belə niyyət güdənlərin bir qütbünü Fransa təşkil edir. Digər mövqedə qərarlaşan isə kollektiv Qərbin aparıcı siyasi aktoru ABŞ-dır. Görünür, ABŞ və Fransa bölgədəki erməni ambisiyalarını diri tutmağa cəhd göstərir. Şərti sərhəddə erməni silahlı təxribatının törədilməsində bir məqsəd də elə budur. Növbəti məqsəd isə Azərbaycanı yenidən müharibəyə təhrik etməkdir”.