Azərbaycanlı müğənninin ölüm xəbəri yayıldı

Türkiyədə yaşayan müğənni Bagira vəfat edib. Bu haqda müğənninin keçmiş prodüseri Mikayıl Hüseynov sosial şəbəkədə məlumat yayıb:

“Bagiranın vəfat etmə xəbəri 2011-ci ildə də yayılmışdı. O zaman Bagiradan yeni ayrıldığım üçün elə bilirdi ki, ölüm xəbərini mən yaymışam. Amma sözügedən xəbəri mən yaymamışdım. Bu dəqiqələrdə Türkiyədə yaşayan dostum Türkiyədən zəng edib dedi ki, bir vaxtlar müğənni kimi fəaliyyət göstərən Bagira ( yəni Aynurə) dünyasını dəyişib.  Çox kədərləndim. Allah rəhmət etsin. Mən elə bir insanam ki, kimliyindən, sənətindən  asılı olmayaraq mənə yaxşılıq etmiş şəxsə hörmətlə yanaşıram və yaxşılığını itirmirəm”.
Qeyd edək ki, 2011-ci ildə müğənninin QİÇS xəstəliyindən vəfat etdiyi barədə xəbərlər yayılmışdı.

"Qafqazinfo"