Dağıdılan 51 sayta "Qarabağ Azərbaycana məxsusdur!" sözləri yerləşdirilib

Azərbaycanlı vətənpərvər gənclərdən ibarət "Anti-Armenia Team" kiber-ordusu erməni saytlarına növbəti kiber hücum edib. 

Hücum nəticəsində Ermənistana məxsus əsas internet xəbər portalları və digər ciddi məzmunlu informasiyaları özündə əks etdirən 51 erməni saytı dağıdılıb. Həmin internet resurslarına "KARABAKH BELONGS TO AZERBAIJAN! (Qarabağ Azərbaycana məxsusdur!)" sözləri, habelə Ermənistan tərəfindən Azərbaycana və xalqına qarşı yönəldilmiş işğalçılıq siyasəti barəsində faktlar qeyd olunub.

Həmçinin, BMT Təhlükəsizlik Şurası tərəfindən qəbul edilmiş qətnamələrin Ermənistan tərəfindən hələ də yerinə yetirilməməsi barədə qeyd də dağıdılmış saytlarda yerləşdirilib.

Qeyd edək ki, "Anti-armenia Team" haker qrupu 19 oktyabr 2011-ci ildə bir qrup azərbaycanlı hakerlər tərəfindən yaradılıb. Yaradıldığı gündən təyin olunmuş konsepsiyaya əsaslanaraq koordinasiyalı şəkildə fəaliyyət göstərməkdədir. İnternet hücumları, öncədən təyin olunmuş şəkildə və Azərbaycan Respublikasının, Azərbaycan xalqının milli maraqlarına zidd olan yanlış informasiyalar yayan internet resursların fəaliyyətlərinə kiber hücumlarla tanınır./İstiPress/