Azərbaycanlının brilliantlarla bəzədilmiş qızıl kompyuteri

24 karat çəkidə nazik qızıl təbəqə ilə örtülmüş və brilliantlarla bəzədilmiş MacBookPro noutbukunun qiyməti 30 min dollardır. Amerikanın ComputerChoppers şirkəti məhz kompyuter və sair müasir rabitə avadanlıqlarını cah-cəlal predmetinə çevirməklə məşğuldur.

Vesti.Az xəbər verir ki, şirkət müştərilərinə kompyuterləri sarı, çəhrayı və ağ qızıl, həmçinin qalay və qara, gümüşü xromla örtməyi, onların üzərində istənilən yazıları yazmağı, loqotiplər yerləşdirməyi təklif edir. 

ComputerChoppers-in ofisi Birləşmiş Ştatlarda yerləşsə də, şirkətin təsisçisi və direktoru Aleks Uaylinin sözlərinə görə, sifarişlərin əksəriyyəti xaricdən gəlir: 

“Məsələn, sonuncu belə sifariş 13 düym ekranlı, dəyəri 30 min dollar olan MacBookPro noutbuku, dəyəri 14,5 min dollar təşkil edən 24 düym ekranlı RoseGoldPlatediMacc noutbuku və dəyəri 20 min dollar təşkil edən platin MacBookPro noutbukları olub. Bu sifariş adının çəkilməsini istəməyən, Azərbaycandan olan sifarişçiyə göndərilib”.