Bahalı daşları ixrac edən erməni tutuldu

Rostov şəhərində bahalı daşları ixrac etmək istəyən erməni vətəndaşı tutulub.

"Vətəninfo.az" erməni mətbuatına istinadən xəbər verir ki, məlumatı Rusiyanın Daxili İşlər Nazirliyinin Şimali Qafqaz məsələləri ilə məşğul olan departamenti bazar ertəsi yayıb. Rostov şəhərində 2.5 kq-dan çox cilallanmamış bahalı daşları - yaqut və zümrüdləri şəhərdən ixrac etmək istəyən erməni vətəndaşı tutulub.

Dövlət məmurunun verdiyi məlumata görə, görüş Rostovna-Danu dəmir yol vağzalının mehmanxanasında olmalı idi. Ermənistan vətəndaşı öz kisəsini 8 mln. rubl civarında dəyərləndirmişdir. Lakin polis məmurları hesab edirlər ki, bahalı daşların qiyməti “ticarətçinin” qoyduğu qiymətdən daha çoxdur. Göründüyü kimi,erməni ticarətçisi öz planını həyata keçirə bilmədi ve gəlir əldə etmək əvəzinə  dövlət tərəfindən yaxalandı.

Hal-hazırda bahalı daşların əsl qiymətinin təyini ilə Cənubi  Federal Universitetinin geoloji fakültəsinin işçiləri məşğul  olurlar.

Cəmilə Maksum