“Bakı-2015” Olimpiya Oyunları səviyyəsində keçirilir

Bakıda Avropa Oyunları Olimpiya Oyunları səviyyəsində keçirilir. Bunu güləş üzrə üçqat Avropa çempionu, “Bakı – 2015” Avropa Oyunlarının bürünc mükafatçısı Anastasiya Qriqoryeva Latviyanın “LTV” kanalına müsahibəsində deyib.
Latviyalı idmançı qeyd edib ki, Bakıdakı görüşlərdən hər biri çətinliklə başa gəlib, çünki obyektiv səbəblərdən Avropa Oyunları ərəfəsində məşq etmək imkanı az olub.
Bakı haqqında təəssüratlarını bölüşən Anastasiya Qriqoryeva bildirib ki, 2010-cu ildə Bakıda güləş üzrə Avropa çempionatında ilk qızıl medalını qazanandan keçən vaxt ərzində Azərbaycan paytaxtı yalnız yaxşılığa doğru dəyişib. Azərbaycan həqiqətən sürətlə inkişaf edir.

AZƏRTAC