Baş nazir and içmədi

Yunanıstanda bazar günü keçirilən növbədənkənar parlament seçkilərində qalib gələn keçmiş baş nazir Aleksis Tsipras vəzifəsinin icrasına başlayıb.

Vətəninfo.az-ın ANS PRESS-ə istinadən məlumatına görə, dini mərasim istəməyən ilk lider olan Tsipras president Pavlopoulosun qarşısında höküməti qurmaq üçün müvafiq sənədə imza atıb.
Qələbəsindən əmin olan Tsipras artıq "Müstəqil yunanlar" (ANEL) partiyasının lideri Panos Kammenosla koalisiya yaradılması haqqında danışıqlara başlayıb. "SİRİZA" nümayəndələrindən biri Yunanıstanın yerli mətbuatına məlumat verərək bildirib ki, Tsipras və Kammenos hakimiyyətdə əməkdaşlıq etmələrini təsdiqləyiblər.


Aleksis Tsiprasin dini ayinlərin icra olunmadığı andiçmə mərasimi

35,53% səslə qalib olan Aleksis Tsipras ikinci dəfə Yunanıstanın baş naziri seçilib.
Tsipras çərşənbə axşamı hökümət üzvülərinin adlarını ictimayyiətə açıqlayacaq. Parlamentdə 145 millət vəkili yerinə sahib ola bilməyən keçmiş baş nazir ölkəni 10 deputatla parlamentə daxil olan Panos Kammenosla birlikdə idarə edəcək.
Yunanıstan əhalisinin 9.8 milyonu səsvermə hüququna malikdir. Seçkilərdə 19 partiyadan 7–nin tələb olunan səs sayını toplayıb parlamentdə təmsil olunma şansı var idi. Namizədlərin hər biri iqtisadi yüksəlişin olacağına söz verib və öz seçki kampaniyalarını iqtisadiyyat üzərində qurublar.


Yunan gəncin seçki həyəcanı

Seçki kampaniyasında Avropalı kreditorların tələblərinə "hə" deyənlərlə deməyənlər arasında kəskin fikir ayrılığının olduğu müşahidə edilirdi.
Borc bataqlığından boğulan qədim Ellada ölkədə keçirilən 3 seçkilərə 110 milyon avro pul xərclənib. Təkcə bazar günü keçirilən seçkilərə 36.7 milyon avronun xərcləndiyi deyilir.
Yunanıstan bir müddət əvvəl Avropalı kreditorlarla iqtisadi yardım üçün daha 86 milyard avro ayrılması barədə razılığa gəlib. Avroqrupun rəhbəri Yerun Deysselblum deyib ki, Afinaya yardım müzakirələri zamanı fikir ayrılıqları olsa da, nəticədə bütün mübahisəli məsələlər yoluna qoyulub.


Aleksis Tsipras və Panos Kammenos