Baş nazir dərmanlarla bağlı qərar verdi

Baş nazir Artur Rasizadə Səhiyyə Nazirliyinin "Azərtibbtəchizat" Məhdud Məsuliyyətli Cəmiyyətinin fəaliyyətinin bəzi məsələləri haqqında qərar verib.

Vətəninfo.az Lent.az-a istinadla xəbər verir ki, Səhiyyə Nazirliyinin "Azərtibbtəchizat" Məhdud Məsuliyyətli Cəmiyyətinin təsərrüfat hesablı daxilolmalardan əlavə, büdcə vəsaiti hesabına illik saxlanılması xərcləri mərkəzləşmiş qaydada dərman, sarğı ləvazimatları və materiallarının, həmçinin avadanlığın alınması üzrə daxilolmaların 0,25 faizi həddində, lakin 400000,0 manatdan çox olmamaqla müəyyən edilib. Bu qərar imzalandığı gündən qüvvəyə minib.