"AzPolitika” xəbər verir ki, bunu Kremlin mətbuat katibi Dmitri Peskov NATO Baş katibi Yens Stoltenberqin Bakı da daxil olmaqla, Cənubi Qafqaza son səfərini şərh edərkən deyib.

Onun fikrincə, NATO-nun məqsədi nə yolla olursa olsun, regionda təsirini artırmaqdır: "NATO-nun Qafqazda mövcudluğunu möhkəmləndirmək üçün ümumi istəkləri bizə yaxşı məlumdur və bu, necə deyərlər, adi gözlə görünür. Həmçinin, belə bir anlayış var ki, əslində NATO-nun öz təsirini və mövcudluğunu hansısa yolla genişləndirmək cəhdləri çətin ki, Qafqazda sabitliyi və vəziyyətin proqnozlaşdırılan olmasını artıracaq”.

Eyni zamanda, Peskov Qafqaz dövlətlərinin belə təmaslarda "suveren hüquqa” malik olduğunu bildirib: "Əlbəttə, biz diqqətlə izləyirik, lakin biz əsasən ikitərəfli münasibətlərimizə və ölkəmizin region ölkələri ilə olan əməkdaşlıq alətlərinə diqqət yetirmək niyyətindəyik”.