Bunu Demokrat.az-a açıqlamasında Milli Məclisin deputatı, iqtisadçı Vüqar Bayramov deyib. 

Onun sözlərinə görə, nəzərə alsaq ki, bəzi rayonlarımızda, xüsusən dağlıq ərazidə yerləşən rayonlarımızda qazdan daha çox istifadə olunur, bu da onların xərclərinə birbaşa təsir göstərir:

"Təklif ondan ibarətdir ki, həmin bölgələrdə yaşayan vətəndaşlarımız üçün daha aşağı tariflə, daha ucuz qiymətə kommunal xidmətlərin, xüsusən mavi qazın satışı həyata keçirilsin. Bu, həmin rayonlarda yaşayan vətəndaşların xərclərinin azalmasına və ailə büdcəsində vəsaitə qənaət edilməsinə səbəb ola bilər. Milli Məclisdə də bu təklifləri etmişik”.