“Bu televiziya siyasətinin dəyişməsi deyil”

“Mən çox təəssüflənirəm ki, bizim medianın xarakteri zəifdir. Cəmiyyətimiz üçün əhəmiyyətli olan məsələlərə və dəyişikliklərə yalnız bir vəzifə dəyişməsi kimi baxır”.

Bunu “Vətəninfo.az”a açıqlamasında media eksperti Zeynal Məmmədli bildirib:
“Kanalların rəhbərliklərinin və menecerlərinin dəyişməsinə Azərbaycan televiziya məkanında televiziya siyasətinin dəyişməsi kimi baxa bilmərəm. Hər hansı bir dəyişiklik baş verirsə, istər-istəməz ümid yaradır ki, əvvəlkilərdən daha yaxşı işləyəcək. Lakin bu dəyişiklikləri şərh etmək, dəqiq informasiya vermək tezdir. Mən jurnalistləri diqqətli olmağa çağırıram ki, özəl kanalda baş verən dəyişikliklər üçün Ədliyyə Nazirliyində sənədlərə baxsınlar və Milli Teleradio Şurası tərəfindən təsdiqlənib-təsdiqlənmədiyi dəqiq araşdırsınlar”- deyə Z. Məmmədli əlavə edib.

Könül İbrahim