Buzadırmanma çempionatı keçiriləcək

Qusarda buzadırmanma üzrə respublika çempionatı keçiriləcəyi bildirilir.

 Vətəninfo.az xəbər verir ki, yanvarın 18-19-da Qusarın Ləzə kəndi yaxınlığında donmuş şəlalələrdə buzadırmanma üzrə respublika çempionatı keçiriləcəyi gözlənilir.

 Azərbaycan Hava və Ekstremal İdman Növləri Federasiyasının rəhbərliyi, bu sahədə təcrübəli mütəxəssis və idmançılar çempionatın təşkil olunmasına dair məsələləri müzakirə ediblər.

Görüş zamanı qərara alınıb ki, çempionat Beynəlxalq Alpinist Assosiasiyaları İttifaqının (UİAA) qaydalarına uyğun iki mərhələ üzrə - mürəkkəb dırmanma və sürət mərhələlərindən ibarət olaraq gözlənilir.

Yarışda 1 qadın və 2 kişidən ibarət komandalar iştirak edəcəkləri bildirilir.

Rəqsanə Yusifzadə