Bu sözləri Pravda.az-a açıqlamasında Milli Məclisin deputatı Razi Nurullayev deyib.

 

Deputat bildirib ki, artıq mobil operatorlar qazancı yalnız internet satışından əldə edirlər: "Mobil operatorlar danışıqdan pul qazana bilmirlərsə, vətəndaşlara müxtəlif asanlaşdırıcı xidmətlər, məhsullar təqdim etməlidirlər ki, bunun üzərindən pul qazanmağa çalışsınlar. Bu ya onların ağıllarına gəlmir, ya da belə bir xidmət təqdim edə bilmirlər. Buna görə də vətəndaşa məcbur edirlər ki, nömrəyə görə aylıq pul ödəsinlər. Bu da vətəndaşlarda narazılıq yaradır. Hər halda nömrə mobil operatora məxsusdur, ona göstəriş vermək olmaz ki, bunu niyə edirsən. Düşünürəm, dövlət, hökumət səviyyəsində mobil operatorlarla bağlı yüngülləşdirici qərarlar ola bilər. Vətəndaşları da, mobil operatorları da dinləmək, toplantı keçirmək olar ki, hər kəs öz sözünü desin. Belə bir müzakirənin ictimai dinləmə şəklində hətta parlamentdə keçirilməsi mümkün ola bilər. Bu, rəhbərlikdən asılıdır. Mobil operatorlarla bağlı bizə də müraciətlər var. Məsləhət olarsa, rəhbərlik məqbul görərsə, müvafiq komitədə, yaxud ictimai dinləmə şəklində müzakirə keçirilməsi mümkün olsa, sevinərdim. Parlament işinə başlasın, yəqin ki, bu məsələlər bir daha gündəmə gələcək”.