Deputatlar futbol oynayacaq

Deputatlar Dünya Azərbaycanlılarının Həmrəylik günü münasibəti futbol oynayacaq.

"Vətəninfo.az" xəbər verir ki, bu haqda deputat Fazil Mustafa şəxsi Facebook səhifəsində yazıb:

“ "Neftçi", "Kəpəz", "Xəzər- Lənkəran” və başqa veteran komandalarla Milli Məclisin Futbol komandasını Həmrəylik gününə həsr olunmuş mini-futbol turniri keçiriləcək. MM-in komandasının heyətində Ülvü Quliyev, Fuad Muradov, Qüdrət Həsənquliyev, Siyavuş Novruzov, Adil Əliyev, Fazil Mustafa, Zahid Oruc, Asəf Hacıyev, Aslan Kərimov, Rauf Əliyev, Azay Quliyevin iştirakı gözlənilir. Bu turnirdə iştirakla biz ölkədə futbolun inkişafına dəstək vermək məqsədi güdürük”.

Qeyd edək ki, yarış bazar günü saat 11.00-da "Neftçi" Futbol klubunun bazasında keçiriləcək.