Diaspor Komitəsində Eskişəhirin valisi ilə görüş olub

Diasporla İş üzrə Dövlət Komitəsinin sədri Nazim İbrahimov bu gün ölkəmizdə səfərdə olan Türkiyə Cümhuriyyətinin Eskişəhər şəhərinin valisi Dr. Kadir Koçdemirlə görüşüb. Dövlət Komitəsinin mətbuat xidmətindən “Vətəninfo”ya verilən məlumata görə, görüşdə 2013-cü il Türk Dünyası Mədəniyyət paytaxtı hazırlıqları çərçivəsində iki qurum arasında fəaliyyətin perspektivləri ilə bağlı məsələlər ətrafında müzakirələr aparılıb, Azərbaycan ilə Türkiyə arasında əlaqələrin ikitərəfli və çoxtərəfli formatda daha da möhkəmləndirilməsi istiqamətində atılan mühüm addımlardan danışılıb. Görüş zamanı Eskişəhərdə Azərbaycan dərnəklərinin fəaliyyəti məsələsinə də toxunulub və onların səmərəli fəaliyyət göstərdikləri qeyd olunub.

Əli