“Eks-prezidentlər haqqında” qanun əmək pensiyaları və sosial müavinətlərlə bağlı qanunlarla uzlaşdırılacaq

Qeyd edək ki, parlamentin Sosial siyasət komitəsinin aprelin 18-də keçirilən iclasında “Əmək pensiyaları haqqında” və “Sosial müavinətlər haqqında” qanunlara düzəlişlər məsələsi müzakirəyə çıxarılıb.
Komitənin iclasında iştirak edən Milli Məclis Aparatının əməkdaşı Adil Vəliyevin bildirdiyinə görə, hər iki qanuna düzəlişlər eks-prezidentlərin statusu haqqında qanunvericiliyin adıçəkilən sənədlərlə uzlaşdırılmasını nəzərdə tutur:

“Bildiyimiz kimi eks-prezidetlərlə bağlı məsələlər bu yöndə müvafiq qanunla tənzimlənir. Indi isə təklif olunur ki, həmin qanun əmək pensiyaları və sosial müavinətlərlə bağlı qanunlarla uzlaşdırılsın. Yəni, elə məsələlər var ki, eks-prezidentlərin statusu həmin yöndəki qanunla, bəzi məqamlar isə əmək pensiyaları və sosial müavinətlərlə bağlı qanunlarla tənzimlənəcək”.

Sözügedən sənədlər geniş müzakirə açılmadan parlamentin plenar iclasına tövsiyə olunub.

Kamil

Vətəninfo.az