Türkiyə Prezidenti Rəcəb Tayyib Ərdoğan Böyük Britaniyanın Baş naziri Kir Starmerlə telefon danışıb.

Publika.az xəbər verir ki, bu barədə Ərdoğanın məbuat xidməti məlumat yayıb.

Məlumata görə, onlar Rusiya-Ukrayna müharibəsini müzakirə ediblər. Ərdoğan görüş zamanı bildirib ki, Türkiyə ədalətli və davamlı sülhün bərqərar olması ilə Rusiya ilə Ukrayna arasında müharibənin tezliklə sona çatması üçün səy göstərir.

Türkiyə lideri ölkəsinin danışıqlara ev sahibliyi etmək də daxil olmaqla, sülhü asanlaşdırmaq üçün lazım olanı etməyə hazır olduğunu vurğulayıb.

Tərəflər ikitərəfli əlaqələr, regional və qlobal məsələlər ətrafında da fikir mübadiləsi aparıblar.