Ərdoğan Tehrandan qorxdu

Ankarada "Cənubi Azərbaycan I Beynəlxalq Forumu"nun keçirilməsinə icazə verilmədi.

“Vətəninfo.az”ın Forumda iştirak edən təmsilçisi məlumat verir ki, 12-13 may 2012-ci il tarixində Ankaranın Sürməli otelində Cənubi Azərbaycan I Beynəlxalq Forumunun keçirilməsini planlaşdırırdıq. Lakin Forumun keçirilməsinə bir gün qalmış, yəni 11.05.2012-ci il tarixində Türkiyə dövlətinin səlahiyyətli qurumları tərəfindən bu Forumu keçirilməsinin mümkünsüzlüyü ilə bağlı yazılı məlumat aldıq. Mümkünsüzlüyün nədən ibarət olduğu və ya Forumun keçirilməsinin hansı səbələrdən əngəllənməsinin detalları barədə ətraflı məlumatımız yoxdur. Məhz bu səbəbdən müvəqqəti olaraq Cənubi Azərbaycan I Beynəlxalq Forumunun keçirilməsi təxirə salınıb.
Qeyd edək ki, bazar ertəsi, yəni 14.05.2012-ci il tarixində bu detallar araşdırılacaq və mətbuata geniş məlumat veriləcək.

Könül İbrahim