Erməni ekspert Türkiyə, Azərbaycan və İran münasibətlərindən danışdı

"Türkiyə Naxçıvanla münasibətləri yaxşılaşdırmağa çalışır".

“Vətəninfo.az”  Ermənistan mətbuatına istinadən xəbər verir ki, Ermənistanın İran üzrə eksperti Vardan Oskanyan Türkiyə, Azərbaycan  və İran münasibətlərindən danışıb:

“Bakı və Ankara viza rejimini ləğv edəcəyini açıqladıqdan sonra  İran da viza rejimini ləğv etməyi Azərbaycandan tələb edib.Əks halda isə Azərbaycan-Naxçıvan yolunun bir hissəsini bağlayacağı ilə Azərbaycanı hədələyib. Naxçıvan İranın birbaşa maraq sahəsindədir. Lakin Azərbaycan istiqamətində viza rejimi işləmir. Türkiyə ilə viza rejiminin ləğv olunması, Naxçıvanda Türk təsirinin artmasına səbəb ola bilər. İran bunu arzu etmir "

Mütəxəssis Talış bölgəsi olan Lənkəranda Türkiyənin Fəxri  konsulluğunun açıldığını da xatırlatdı:

" Talış bölgəsi olan Lənkəranda Türkiyənin Fəxri  konsulluğu açılıb. Türkiyə və İranın Suriya məsələsində müttəfiq olmayacaqları artıq məlumdur. Türkiyə  İranın da marağında olan üç bölgədə təsirini artırmağa çalışır. İranın etirazları Bakı və Ankara münasibətlərinin günü-gündən möhkəmləndiyi üçündür”.