AzNews.az erməni KİV-lərinə istinadən xəbər verir ki, bu barədə əsgərin atası Qaruş Qriqoryan məlumat verib. Məlumata görə, sözügedən tarixdə Dağlıq Qarabağda yerləşən erməni hərbi hissələrindən birinin idman meydançasında cəsədi tapılan Qriqoryana işgəncə verilib. Əsgər atasının sözlərinə görə, oğlunun əllərində dirsəkdən yuxarı göyərmələr olub. Bu isə böyük ehtimalla əllə sıxılma nəticəsində yaranıb. Məhkəmə tibbi ekspertiza həmçinin, ölüm səbəbinin güllə yarası olduğunu təsdiqləyib.