Ermənilər Türkiyədən 15 mld dollar tələb edirlər

Erməni diasporu qondarma soyqırıma görə türklərdən 15 mlrd. dollar tələb edir

Erməni diasporu qondarma erməni soyqırımı ilə bağlı təzminat tələbini artıq açıq şəkildə bəyan etməyə başlayıb. “Vətəninfo.az”ın TİA.AZ-a istinadən verdiyi məlumata görə, BMT-də qondarma soyqırımı ilə bağlı keçirilən simpoziumda çıxış edən erməni rejissor Karla Karapedyan 1915-ci il hadisələri ilə bağlı Türkiyənin 15 milyard dollar təzminat ödəməsi gərəkdiyini söyləyib. 

Karla Karapedyan 1915-ci ildə Türkiyədə 1,5 milyon erməninin öldürüldüyünü iddia edib. O, bu rəqəmi Almaniyanın 1950-ci ildən bəri 6 milyon yəhudinin soyqırımına məruz qalması ilə bağlı 60 milyard dollar təzminat ödəməsinə əsaslanaraq söylədiyini bildirib. 

Erməni əsilli yazar Harut Sassouniyan isə BMT-də tədbir keçirdikləri zaman iki türk diplomat tərəfindən tədbirin keçirilməsinə maneçilik törədilməsinə cəhd göstərildiyini və bununla bağlı BMT baş katibi Pan Gi Muna şikayət məktubu göndərdiklərini söyləyib.