Ermənilərdən Ramil Səfərova qarşı növbəti addım

Budapeştin Mərkəzi Avropa Universitetində təhsil alan ermənilərdən ibarət qrup baş nazir Viktor Orbana məktub göndərib.

“Qafqazinfo”nun Ermənistan mətbuatına istinadən verdiyi məlumata görə, onlar məktubda Azərbaycanın Macarıstandan ekstradisiya olunmuş zabiti Ramil Səfərovla bağlı Orbana etiraz ediblər.

Bir ay öncə göndərilən məktuba bu günlərdə Macarıstan baş nazirinin ofisindən rəsmi cavab gəlib.Viktor Orban məktubda Ramil Səfərovun 3 milyard avroya Azərbaycana ekstradisiya olunması iddiasına bu dəfə də erməniəri məyus edəcək cavab verib: “Mən onu qeyd etmək istəyirəm ki, Ramil səfərovun ekstradisiyası heç bir maliyyə sazişi ilə həyata keçirilməyib”.Xatırladaq ki, Azərbaycan ordusunun zabiti Ramil Səfərov bu il avqustun 31-də Macarıstandan Azərbaycana ekstradisiya olunub.