Ermənistan Nursultan Nazarbayevin bəyanatından qorxurya düşüb

Ermənistanın hakim partiyasının üzvü mətbuat konfransında narahatlığını ifadə edib

Qazaxıstan prezidenti Nursultan Nazarbayevin “Gömrük İttifaqının gələcək sərhədləri Dağlıq Qarabağ probleminin taleyindən asılıdır” fikri rəsmi İrəvan üçün qəbuledilməzdir. ANS PRESS-in Rusiya mətbuatına istinadən verdiyi xəbərə görə, bu informasiyanı Ermənistanın Respublika Partiyasının parlament fraksiyasının sədri Qalust Saakyan keçirdiyi mətbuat konfransında deyib.

Onun sözlərinə görə, Nazarbayevin bu bəyanatı Azərbaycanla Qazaxıstanın dostluq əlaqələrinə dəlalət edir və bu baxımdan o, tez-tez Dağlıq Qarabağ problemi haqda danışır. Saakyan bildirib ki, o, Ermənistanın Gömrük İttifaqına daxil olması üçün nəzərdə tutulan “yol xəritəsi”nin müddəaları ilə tanış deyil. Deputat hesab edir ki, bu “yol xəritəsi” mətbuatda çap edildikdən sonra geniş müzakirə edilməlidir.

Xatırladaq ki, dekabr ayının 24-də Avrasiya Ali İqtisadu Şurasının iclasında Nursultan Nazarbayev bildirib ki, Ermənistanın Gömrük İttifaqına qəbul edilməsi üçün Dağlıq Qarabağ probleminin həlli məsələsinə aydınlıq gətirilməlidir. Rusiya prezidenti Vladimir Putin isə həmkarı Nazarbayevin bu bəyanatına reaksiya verməyərək “Ermənistan “yol xəritəsi”ni imzalamağa hazırdır” sözlərini deyib.