ERMƏNİSTANDA QƏTL və QƏZA: MER QIZININ NİŞANI QANA BOYANDI

Ermənistanın Gümrü şəhərinin meri Vardan Qukasyanla qohum olmaq istəyən Karen Yesayan aprelin 12-də qətlə yetirilib. "Veteninfo.az"ın “Media forum” saytına istinadən verdiyi xəbərə görə,  ABŞ-dan yenicə qayıdan 27 yaşlı Karen Yesayan aprelin 12-də Gümrü merinin qızı ilə nişanlanacaqmış.

“Tert.am” məlumatına görə, aprelin 12-dən 13-nə keçən gecə Gümrü polisinin qarşısında İstintaq Komitəsinin müstəntiqi Vaqram Beybutyanı maşın vurub. Xəstəxanaya aparılarkən keçinən Vaqram Beybutyan Karen Yesayanın qətlini araşdırırımış. 

Vaqram Beybutyanı vuran maşının sürücüsü Rafik Muradyan aprelin 13-də tutulub.