“Eurovisionda qalib gəlmək üçün bizim bazamız və imkanlarımız var”

“Eurovision” mahnı müsabiqəsinin Bakı şəhərində keçirilməsi Azərbaycan üçün böyük hadisədir. Bu nüfuzlu tədbir müstəqil Azərbaycanı və onun uğurlarını beynəlxalq müstəvidə təbliğ etmək baxımından önəmli vasitədir”.

“Vətəninfo.az” xəbər verir ki, bu fikirləri yap.org.az saytına Milli Məclisin Mədəniyyət komitəsinin sədri Nizami Cəfərov deyib. N.Cəfərov bildirib ki, Azərbaycan mədəniyyəti güclü potensiala malikdir. Onun sözlərinə görə, son illər dövlətimizin bu sahəyə ciddi diqqət və qayğısı öz bəhrəsini verməkdədir.
“Ölkəmizin ötən il bu musiqi yarışmasında qalib gəlməsi o deməkdir ki, belə qələbələr üçün bizim bazamız və imkanlarımız var. "Eurovision" mahnı müsabiqəsinin Bakıda keçirilməsinə qarşı, bu müsabiqənin siyasiləşdirilməsi istiqamətində daxili və xarici dairələr tərəfindən edilən cəhdlər gülünc və mənasızdır. Bu cəhdlər bizim uğurumuza kölgə sala bilməyəcək”. - deyə komitə sədri vurğulayıb.

Mirvari Nəcəf