Türkiyə Superliqasında yay fasiləsi başa çatır.

Vətəninfo.az-ın Apasport.az-a istinadən məlumatına görə, bu gün 2015/16 mövsümünə start veriləcək.

 Mövsümün ilk turunun açılış matçında "Fənərbaxça” meydançaya çıxacaq. Yeni ulduz transferləri ilə diqqət çəkən "sarı-lacivərdlilər” doğma meydançada sabiq "Qarabağ”lı Muarem Muaremin formasını geyindiyi "Əskişəhərspor”u qəbul edəcək.

 Son çempion "Qalatasaray”ı isə ilk turdaca çətin səfər gözləyir. "Cim-bom” sabah Sivasda yerli komanda ilə münasibətlərinə aydınlıq gətirməli olacaq.

 Turun ən maraqlı görüşlərindən biri, bəlkə də, birincisi Trabzonda oynanılacaq. Avrokuboklarla erkən vidalaşan "Trabzonspor” güclü heyət yığan "Bursaspor”la qarşılaşacaq.

 Çempionluğa iddia edən "Beşiktaş” isə bazar günü "Mersin İdmanyurdu”nun qonağı olacaq.

 Türkiyə Superliqası

I tur

"Fənərbaxça” – "Əskişəhərspor” - 2:0

Qol: Musa Sou, 45+1, Fernandao, 45+3

15 avqust

23:00. "Trabzonspor” – "Bursaspor”

00:00. "Başakşəhər” – "Antalyaspor”

00:00. "Sivasspor” – "Qalatasaray”

16 avqust

23:00. "Konyaspor” – "Akhisar”

23:00. "Osmanlıspor” – "Kayserispor”

00:00. "Qaziantepspor” – "Kasımpaşa”

00:00. "Mersin İdmanyurdu” – "Beşiktaş”

17 avqust

00:00. "Gənclərbirliyi” – "Çaykur Rizəspor”