FHN Beyləqandakı partlayışla bağlı rəsmi məlumat yaydı

Fövqəladə Hallar Nazirliyi (FHN) Beyləqanda yanacaq doldurma məntəqəsində baş vermiş partlayışla bağlı məlumat yayıb.

“Vətəninfo.az” xəbərinə görə,  FHN-nin məlumatında qeyd olunur ki, Beyləqan rayonunda vətəndaşa məxsus “Ülvi” yanacaqdoldurma məntəqəsində yanğınla nəticələnən partlayış baş verib.
Nəticədə, yanacaqdoldurma məntəqəsinin xidməti otaqları və yerüstü anbarın çardaq hissəsi 350 kv.m sahədə dağılıb,yanacaq çənlərinin üzərinə dağılmış müxtəlif yanacaq-sürtgü materialları 144 kv.m sahədə yanıb, yanacaqdoldurma stansiyasında operator işləyən  1 nəfər xəsarət alıb. Yanğın saat 01:17-də yanğınsöndürənlər tərəfindən söndürülüb.Yanacaqla dolu 8 ədəd çən və ətrafdakı evlər yanğınsöndürənlər tərəfindən yanğından mühafizə olunub. Hadisə ilə əlaqədar müvafiq qurumlar tərəfindən təhqiqat aparılır.

Mirvari Nəcəf