Gürcüstana gələn turistlərin sayı artıb

Vətəninfo.az  xəbər verir ki, bu ilin əvvəlindən Gürcüstana bir milyon 191 min turist səfər edib ki, bu da ötən ilin müvafiq dövrü ilə müqayisədə 11 faiz çoxdur. Bu barədə cümə axşamı Trend-ə Gürcüstan Daxili İşlər Nazirliyindən bildiriblər. Nazirlikdən qeyd ediblər ki, ümumilikdə hesabat dövründə Gürcüstanın dövlət sərhədini iki milyon 913 min 618 nəfər keçib ki, bu da 2013-cü ilin analoji dövrünün göstəricisini 4 faiz üstələyir. Göstərilən dövrdə Gürcüstan ərazisindən tranzitlə 552 min 556 xarici ölkə vətəndaşı keçib ki, bu da ötən ilin analoji dövrünün göstəricisindən 4 faiz çoxdur. Nazirlikdən bildiriblər ki, bu ilin əvvəlindən Gürcüstana gələnlərin böyük əksəriyyətini Türkiyə, Azərbaycan, Ermənistan, Rusiya və Ukrayna vətəndaşları təşkil edir.

Vətəninfo.az