Gürcüstanda Aİ-nin "Şərq tərəfdaşlığı" forumu keçiriləcək

Martın 23-də Tbilisidə Gürcüstanın Avropaya inteqrasiya məsələləri üzrə dövlət naziri Aparatının və Polşanın Şərq Araşdırmaları İnstitutunun təşkilatçılığı ilə Aİ-nin "Şərq tərəfdaşlığı" forumu keçiriləcək.

“Veteninfo”nun aldığı məlumata görə tədbiri Gürcüstan Baş nazirinin müavini Georgi Baramidze açacaq.

Forumun işində Aİ-yə üzv ölkələrin və "Şərq tərəfdaşlığı" dövlətlərinin (Gürcüstan, Azərbaycan, Belarus, Moldova, Ermənistan, Ukrayna) qanunverici və icra hakimiyyətlərinin, eləcə də QHT-lərin, beynəlxalq KİV və biznes dairələrinin nümayəndələri və müstəqil ekspertlər iştirak edəcəklər.