Gürcüstanda prezidentliyə namizədlər səs verdi (VİDEO)

David Bakradze və Giorgi Marqvelaşvili ölkənin gələcəyinə səs verdiklərini bildiriblər

Gürcüstanda prezident seçkilərində favorit sayılan namizədlər artıq səs veriblər. "Vahid Milli Hərəkat"dan olan və Gürcüstanın hazırki prezidenti Mixail Saakaşvilinin dəstəklədiyi namizəd David Bakradze Tiflisdə səs verib. "Mən ölkəmizin gələcəyinə səs verdim. Gürcüstanın Avropa seçiminə, gözü açıq olan və xalqımız üçün çalışan bir hökumətə, güclü, Avropasayağı və demokratik olan Vahid Gürcüstana səs verdim" - deyə, David Bakradze jurnalistlərə müsahibəsində bildirib.

Bakradzenin əsas rəqibi və seçkilərdə qələbə şansı ən yüksək qiymətləndirilən namizəd Giorgi Marqvelaşvili də paytaxtdakı seçki məntəqəsində öz səsvermə hüququndan istifadə edib. "Mən ölkəmizin gələcək inkişafına, xalqımızın gələcəyinə və daha yaxşı sabaha səs verdim. Qızım da ilk dəfədir səs verir, ona görə birlikdə səs verməyə gəlmişik" - Giorgi Marqvelaşvili belə deyib.