İki nəfər xilas edilib

Bu gün iki nəfər Xəzər dənizində batmaq təhlükəsi il üzləşib.

Vətəninfo.az-ın Fövqəladə Hallar Nazirliyinin (FHN) saytına istinadən verdiyi xəbər görə, Nazirliyin Dövlət Sularda Xilasetmə Xidmətinə Abşeron rayonunda dənizdə (“Novxanı” sularda xilasetmə məntəqəsindən təxminən 500 metr məsafədə, nəzarət olunmayan ərazidə) bir nəfərin batmaq təhlükəsi ilə üzləşdiyi barədə məlumat daxil olub.

Həmin şəxs FHN-in “Novxanı” sularda xilasetmə məntəqəsinin xilasediciləri tərəfindən xilas olunub.

Digər bir nəfər isə Nardaran çimərliyində xilas edilib. Bakı şəhəri, Sabunçu rayonunda dənizdə (“Nardaran-1” sularda xilasetmə məntəqəsindən, təxminən, 1800 metr məsafədə, nəzarət olunmayan ərazidə) batmaq təhlükəsi ilə üzləşən 1 nəfər Fövqəladə Hallar Nazirliyinin “Nardaran-1” sularda xilasetmə məntəqəsinin xilasediciləri tərəfindən xilas olunub.

Vətəninfo.az