İlham Əliyev: “Söyün Sadıqov AXCP-ni satın almaq istəyir”

"Söyün Sadıqov vaxtaşırı olaraq Azərbaycan Xalq Cəhbəsi Partiyasının (AXCP) sədri Əli Kərimli ilə telefon əlaqələri saxlayır, internetdə "skayp" vasitəsi ilə danışıqlar aparır".

Bunu Vətəninfo.az-a açıqlamasında Hüquqi və Demokratik İslahatlar Mərkəzinin (HDİM) sədri İlham Əliyev bildirib. 

Onun sözlərinə görə, Azərbaycanda ictimai-siyasi vəziyyət kifayət qədər sabitdir və bunu pozmaq mümkün deyil: “Azərbaycanda mövcud olan müxalifətin müəyyən bir hissəsi xaricdə oturub. Bozbaş yeyə-yeyə Azərbaycana qarşı antimilli fəaliyət yolu tutan Söyün Sadıqov kimilər ölkəmizdəki ictimai-siyasi sabitliyi pozmaq və müəyyən bir gərginlik yaratmağa çalışırlar. Buna isə onlar nail ola bilməyəcəklər. Hətta mən bildiyimə görə Ə.Kərimli AXCP-ni satmağa hazırlaşır. Alıcı qismində isə S.Sadıqovu görür. S.Sadıqov Rusiya vətəndaşı olduğu ücün alqı-satqını öz xeyrinə həll etməkdə çətinlik cəkir. Ona görə də, bu məsələ ilə bağlı hər iki tərəfin razı qala biləcəyi yollar axtarılır. Ə.Kərimli AXCP-nin alıcısının S.Sadıqovun olmasında maraqlıdır. Cünki “Talış Muğan Respublikası”nın yaradıcıları olmuş şəxslər, eləcədə AXC-nin Masallı və Lənkəran rayon təşkilatlarının fəal təmsilciləri olmuş kecmiş cəbhəcilər hazırda Söyün Sadıqovun yanındadırlar. Həmin şəxslərin də bu məsələdə fəallıqları böyükdür”.

Kənan Əliyev

Vətəninfo.az