İmişlidə əhali ayağa qalxdı - EKSKLÜZİV

İmişli rayonundan Vətəninfo.az-a daxil olan məlumatda deyilir ki, rayonun Bəcravan-Ağ Cüyür kənd əhalisi ayağa qalxıb.
Əhalinin ayağa qalxmasına səbəb isə kənd bələdiyyəsinin sədri Məmi Atakişiyevin əhalinin razılığı olmadan vətəndaşların gediş-gəlişini rahatlatmaq məqsədi ilə salınan dəmiryolu üzərindəki keçidi bağlatması və bu keçidi özünə məxsus olan fermanın yaxınlığında inşa etməsidi.
Verilən məlumatda deyilir ki, Məmi Atakişiyev özünü bələdiyyə sədri kimi deyil, əhali ilə sultan kimi aparır. Elə bunun nəticəsidir ki, dəfələrlə kənd əhalisini müxtəlif üsullarla qorxudan Məmi Atakişiyev bildiyini edir. Keçidin bağlanması əhalinin normal gediş-gəlişi, təhlükəli dəmiryolu üzərindən sərbəst hərəkət etməsinin qarşısını alır. M.Atakişiyev daha çox fermasında bəslənən heyvanları düşünməkdədir.

Mənəbənin verdiyi məlumata görə, kənd əhalisi bir araya gələrək bu gün səhər saat 10:00-da Məmi Atakişiyevin sökdürmək istədiyi keçidin yanında aksiya keçirib və məmurun keçidin sökülməsi üçün göndərdiyi fəhlələri qovub.
Baş verən hadisə lentə alınaraq, xarici radiostansiyalara göndərilib.

Vətəninfo.az